MOCHILAS VIAXEIRAS

Para promover o hábito lector no centro comezou a funcionar un sistema denominado ‘mochilas lectoras’ que consiste en poñer a disposición do alumnado un paquete de material diverso, libros, xornais, revistas, comics, etc., que pode ser solicitado para o seu uso nas horas complementarias (gardas, titorías, atención educativa…). O referido material está organizado por ciclos e renóvase periodicamente. No primeiro ciclo xa está sendo utilizado, pero seguramente non todo o profesorado sabe da existencia desta proposta e queremos dende este blog facernos eco da mesma. As mochilas están a disposición de quen se anime a facer uso delas nas respectivas bibliotecas.